Period: 16th
Source:
Electronic version prepared by John Csonka E, Bradley Jon Tucker C, and Thomas J. Mathiesen A for the Thesaurus Musicarum Latinarum, 1993.
Save the TEI file of this treatise ! You can also download the full TML dataset.[344]Etsi Musica humanum inventum est, cantus tamen nonnullos usque adeo suaves et amoenos reperias, ut divini propemodum videantur, quales Adrianus exhibere consuevit.
Musica ad pulsuum cognitionem plurimum confert; ubi enim eam quae in C spectatur proportionem servant, salutem: quod si hemioliam imitentur mortem portendunt.
[345]Quemadmodum in numeris arithmeticis, ita et in harmonicis in infinitum progressus est; at in his quidem utrinque, in illis autem altera duntaxat parte.
Hemitonium diesis proferri vetat.
Actionem inter similia fieri diapason in cheli et pentachordo ostendit.